भारतीय सैन्याच्या तांत्रिक पदवी अभ्यासक्रमासाठी नोटीस जारी

नवी दिल्ली, (१३ एप्रिल) – आर्मी टेक्निकल कॉर्प्समध्ये सरकारी नोकरी शोधणार्‍यांसाठी भारतीय सैन्याच्या तांत्रिक कोअरमध्ये भरतीसाठी तांत्रिक पदवी अभ्यासक्रमाच्या १३८ व्या आवृत्तीसंदर्भात सूचना जारी करण्यात आली आहे. या संदर्भातील ऑनलाइन अर्ज १८ एप्रिल ते १७ मे २०२३ या कालावधीत करता येतील. मात्र ही सविस्तर अधिसूचना नाही.

आर्मी टेक्निकल ग्रॅज्युएट कोर्स-१३८ साठी अर्ज करण्यासाठी उमेदवारांना joinindianarmy.nic.in या अधिकृत वेबसाइटला भेट द्यावी लागेल. त्यानंतर ऑफिसर्स सिलेक्शन सेक्शनमधील सक्रिय अर्ज लिंकवर क्लिक करून नवीन पृष्ठावर उमेदवारांना प्रथम नोंदणी करावी लागेल आणि नंतर नोंदणीकृत तपशीलांसह लॉग इन करून उमेदवार त्यांचे अर्ज सबमिट करू शकतील. अर्ज करण्यापूर्वी उमेदवारांनी अर्ज पृष्ठावर दिलेली तपशीलवार सूचना काळजीपूर्वक वाचणे आवश्यक आहे. इंडियन आर्मी टेक्निकल ग्रॅज्युएट कोर्स १३८ साठी अर्ज करू इच्छिणार्‍या उमेदवारांकडे मान्यताप्राप्त विद्यापीठ किंवा इतर कोणत्याही उच्च शिक्षण संस्थेतून अभियांत्रिकीची पदवी असणे आवश्यक आहे आणि अभ्यासक्रम सुरू होण्याच्या तारखेनुसार वय २० ते २७ वर्षांपेक्षा कमी असणे आवश्यक आहे. अधिक तपशिलांसाठी अधिसूचना पहावी.