बाजारात तुफानी तेजी, सेन्सेक्स ८०,४३६ वर बंद

मुंबई, (१६ ऑगस्ट) – आठवड्याच्या पाचव्या आणि शेवटच्या व्यवहाराच्या दिवशी म्हणजेच शुक्रवारी (१६ ऑगस्ट) शेअर बाजारात तेजी दिसून आली. व्यवहाराच्या शेवटी, सेन्सेक्स १३३० अंकांनी वाढून ८०,४३६ वर, तर निफ्टी देखील ३९७ अंकांनी वाढून २४,५४१ वर बंद झाला. निफ्टीच्या ५० समभागांपैकी ४८ वाढत आहेत आणि २ घसरत आहेत. सेन्सेक्समधील ३० समभागांपैकी २९ वर तर १ शेअर खाली आला आहे. एनएसई च्या क्षेत्रीय निर्देशांकाबद्दल बोलायचे तर, खढ क्षेत्रात सर्वाधिक २% वाढ झाली आहे. ऑटो, मीडिया, रियल्टी आणि तेल आणि वायू क्षेत्रांमध्येही १% पेक्षा जास्त वाढ होत आहे. याशिवाय बँक, वित्तीय सेवा, एफएमसीजी, फार्मा, पीएसयु बँक, खाजगी बँक, धातू आणि आरोग्य सेवा यासह सर्व क्षेत्रांमध्येही वाढ दिसून येत आहे.

आशियाई बाजारात आज तेजी आहे. जपानचा निक्केई २.९२% वर आहे. हाँगकाँगचा हँग सेंग १.७३% आणि चीनचा शांघाय कंपोझिट ०.०९२% वर आहे. कोरियाच्या कोस्पीमध्येही १.७९ % वाढ दिसून येत आहे. अमेरिकन बाजारातील डाऊ जोन्स १.३९% च्या वाढीसह ४०,५६३ च्या पातळीवर बंद झाला. छरीवरिं देखील २.३४% वाढून १७,५९४ वर बंद झाला. डझ५०० १.६१% वाढून ५,५४३ अंकांवर बंद झाला. विदेशी संस्थागत गुंतवणूकदारांनी १४ ऑगस्ट रोजी १७,५६५ कोटी रुपयांचे समभाग विकले. या कालावधीत देशांतर्गत संस्थात्मक गुंतवणूकदारांनी < १२,२६९ कोटी किमतीचे शेअर्स खरेदी केले. म्हणजेच बुधवारी विदेशी गुंतवणूकदारांनी विक्री केली होती. काल गुरुवारी स्वातंत्र्यदिनाच्या सुटीमुळे बाजारपेठ बंद होती. स्वातंत्र्यदिनाच्या सुट्टीमुळे काल गुरुवारी (१५ ऑगस्ट) शेअर बाजार बंद होता. यापूर्वी बुधवारी (१४ ऑगस्ट) बाजारात तेजी दिसून आली होती. सेन्सेक्स १५० अंकांच्या वाढीसह ७९,०६५ वर बंद झाला. तर निफ्टीमध्ये केवळ ४ अंकांची वाढ झाली. तो २४,१४३ च्या पातळीवर बंद झाला. निफ्टीच्या ५० समभागांपैकी २४ वधारत होते तर २६ घसरत होते. सेन्सेक्समधील ३० समभागांपैकी १६ वाढले आणि १४ घसरले.