भारतीय नौदलात नोकरीची उत्तम संधी
नवी दिल्ली, (३० जानेवारी) – जर तुम्ही १२वी उत्तीर्ण झाला असाल आणि जेईई मेन परीक्षेत बसला असाल, तर तुम्हाला भारतीय नौदलात नोकरी मिळण्याची उत्तम संधी आहे. भारतीय नौदल तुम्हाला कायमस्वरूपी कमिशन देत आहे. नेव्ही बीटेक प्रवेश योजनेद्वारे तुम्हाला ही सुवर्णसंधी मिळत आहे. नौदलाने बी टेक एंट्री स्कीम २०२३ ची अधिसूचना जारी केली आहे. या सरकारी नोकरीसाठी ऑनलाइन अर्जही सुरू झाले आहेत. यासाठी कोण अर्ज करू शकतो, पात्रता काय आहे? निवड प्रक्रिया काय आहे? संपूर्ण तपशील वाचा.
भारतीय नौदलाने दोन शाखांमध्ये रिक्त जागा सोडल्या आहेत – कार्यकारी आणि तांत्रिक शाखेत ३० जागा आहेत. त्याच बरोबर शिक्षण शाखेत ५० पदांची भरती होणार आहे. नौदलाच्या एकूण रिक्त पदांची संख्या ३५ आहे. नेव्ही बी टेक एंट्री स्कीम अंतर्गत नोकरी मिळविण्यासाठी आणि अर्ज करण्यासाठी, तुम्ही मान्यताप्राप्त बोर्डातून १२ वी उत्तीर्ण असणे आवश्यक आहे. भौतिकशास्त्र, रसायनशास्त्र आणि गणितात एकूण किमान ७० % गुण आणि इंग्रजीमध्ये किमान ५० % गुण (एकतर १० वी किंवा १२ वी)असावेत. याशिवाय, ज्या उमेदवारांनी बी ई किंवा बी टेक मध्ये प्रवेश घेण्यासाठी जेईई मेन २०२२ ची परीक्षा दिली होती ते यावर्षी या रिक्त पदासाठी अर्ज करू शकतात. त्या जेईई मुख्य परीक्षेतील तुमच्या अखिल भारतीय रँकच्या आधारावर तुम्हाला एसएसबी मुलाखतीसाठी बोलावले जाईल.
वयोमर्यादेबद्दल बोलायचे झाल्यास तुमचा जन्म २ जानेवारी २००४ आणि १ जुलै २००६ दरम्यान झाला असेल तरच तुम्ही नेव्ही बीटेक व्हेकन्सी २०२३ साठी अर्ज करू शकता. तुमची या सरकारी नोकरीसाठी निवड झाली की नाही हे तुमच्या जेईई मेन रँक आणि एसएसबी मुलाखतीवर अवलंबून असेल. प्रथम तुमच्या जेईई मेन रँकच्या आधारे तुम्हाला नेव्ही एसएसबी मुलाखतीसाठी शॉर्टलिस्ट केले जाईल. ही मुलाखत मार्च २०२३ मध्ये सुरू होईल. केंद्र बेंगळुरू, भोपाळ, कोलकाता किंवा विशाखापट्टणम येथून कुठेही असेल. त्याआधारे गुणवत्ता यादी तयार केली जाईल. जे मेरिटमध्ये येतील त्यांना वैद्यकीय परीक्षेसाठी बोलावले जाईल. पूर्णपणे फिट आढळल्यास, तुमची पोलिस पडताळणी आणि चारित्र्य पडताळणी केली जाईल. त्यानंतर अंतिम निवड झालेल्या उमेदवारांना प्रशिक्षणासाठी पाठवले जाईल.
Posted by - Admin,on - सोमवार, ३० जानेवारी, २०२३,
Filed under - युवा भारती
You can follow any responses to this entry through the RSS 2.0
कोणत्याही टिप्पण्‍या नाहीत:
टिप्पणी पोस्ट करा