युपीएससीच्या व्यक्तिमत्व चाचणीचे वेळापत्रक जारी
नागपूर, (१४ फेब्रुवारी ) – केंद्रीय लोकसेवा आयोग ने युपीएससी नागरी सेवा परीक्षा २०२२ व्यक्तिमत्व चाचणीचे वेळापत्रक प्रसिद्ध केले आहे. युपीएससी सिव्हिल सर्व्हिसेस मेन्समध्ये पात्र उमेदवार आयोगाच्या अधिकृत वेबसाइट upsc.gov.in वर जाऊन व्यक्तिमत्व चाचणीचे वेळापत्रक तपासू शकतात. आयोगाने रोल नंबरवर व्यक्तिमत्व चाचणीची तारीख आणि वेळ याची माहिती दिली आहे.
युपीएससी ने जारी केलेल्या अधिकृत सूचनेनुसार, व्यक्तिमत्व चाचणी (युपीएससी सिव्हिल सर्व्हिसेस पीटी २०२२) १३ मार्च ते २१ एप्रिल २०२३ या कालावधीत दोन शिफ्टमध्ये घेतली जाईल. पहिली शिफ्ट सकाळी ०९:०० पासून सुरू होईल आणि दुसरी शिफ्ट दुपारी ०१:०० पासून सुरू होईल. ९१८ उमेदवारांचे वेळापत्रक, त्यांचे रोल नंबर, मुलाखतीची तारीख आणि सत्र आयोगाने दिले आहे. या ९१८ उमेदवारांच्या व्यक्तिमत्व चाचणीसाठी (मुलाखत) ई-समन्स पत्र लवकरच जारी केले जाईल. जे आयोगाच्या वेबसाइटवरून डाउनलोड करता येईल. उमेदवारांना सूचित केल्यानुसार व्यक्तिमत्व चाचणी (मुलाखत) ची तारीख आणि वेळ बदलण्याची कोणतीही विनंती सामान्यतः स्वीकारली जाणार नाही.
Posted by - Admin,on - मंगळवार, १४ फेब्रुवारी, २०२३,
Filed under - युवा भारती
You can follow any responses to this entry through the RSS 2.0
कोणत्याही टिप्पण्‍या नाहीत:
टिप्पणी पोस्ट करा