गांधीनगर, (७ मार्च २६) - देशात सध्या गॅसच्या तुटवड्यातून मार्ग काढणारी एक सकारात्मक बातमी पुढे आली आहे. भारतीय गॅस वाहक जहाज 'नंदा देवी' ४७,००० टन एलपीजी घेऊन गुजरातमधील वडीनार बंदरात पोहोचले आहे. सध्या जहाजावरील एलपीजी दुसऱ्या जहाजात हस्तांतरित करण्याची प्रक्रिया सुरू आहे.  

'नंदा देवी' हे दीनदयाळ पोर्ट अथॉरिटीच्या वडीनार टर्मिनलजवळ समुद्राच्या मध्यभागी दाखल झालेले आहे, जिथून हे एलपीजी हस्तांतरित केले जात आहे. पूर्ण ४७,००० टन एलपीजीचे हस्तांतरण होईपर्यंत हा काळजीपूर्वक नियोजित कार्यक्रम सुरू राहील. या हस्तांतरणानंतर अर्धा साठा तामिळनाडूतील एनोर बंदरात तर उर्वरित अर्धा साठा पश्चिम बंगालमधील हल्दिया बंदरात पोहोचवण्यात येईल.  

याशिवाय, मुंद्रा बंदरावर सध्या तैनात असलेल्या 'शिवालिक' नावाच्या एलपीजी वाहक जहाजाकडून १२,००० टन एलपीजी उतरवले जाईल. हे जहाज त्यानंतर वडीनारजवळ समुद्राच्या मध्यभागी जाईल आणि उर्वरित साठा दुसऱ्या जहाजावर हस्तांतरित करेल. हा साठा मग दाहेज बंदर तसेच मंगळूरमधील दोन वेगवेगळ्या टर्मिनलवर पाठवला जाईल.  

ही योजना फक्त गॅसपुरवठ्याचा तुटवडा कमी करण्यासाठीच नाही तर त्या गतीने तो विविध भागांपर्यंत पोहोचवण्यासाठी महत्त्वपूर्ण ठरेल.

नवी दिल्ली, (१८ मार्च) – भारत मंडपम येथे सोमवारपासून सुरू होणार्‍या स्टार्टअप महाकुंभमध्ये यशोगाथा पाहायला मिळणार आहेत. त्यात दोन हजार स्टार्टअप्स सहभागी होत आहेत. यामध्ये १० थीम पॅव्हेलियन्स, एक हजाराहून अधिक गुंतवणूकदार, ३०० इनक्यूबेटर आणि एक्सीलरेटर, तीन हजार कॉन्फरन्स प्रतिनिधी, २० हून अधिक देशांचे प्रतिनिधी, सर्व भारतीय राज्यांतील तीन हजार संभाव्य उद्योजक, ५० हून अधिक युनिकॉर्न आणि ५०,००० व्यावसायिक अभ्यागत यांचा समावेश असेल.

उद्योग आणि अंतर्गत व्यापार (डीपीआइआइटी) विभागाचे सचिव राजेश कुमार सिंग यांनी सांगितले की, पंतप्रधान नरेंद्र मोदी सोमवारपासून सुरू होणार्‍या तीन दिवसीय स्टार्टअप महाकुंभला भेट देऊ शकतात. एसोचैम, नैसकाम, बूटस्ट्रैप इनक्यूबेशन एंड एडवाइजरी फाउंडेशन, टीआइई आणि इंडियन वेंचर एंड अल्टरनेट कैपिटल असोसिएशन (आइवीसीए) यांच्या संयुक्त प्रयत्नांनी हा कार्यक्रम आयोजित केला जात असल्याचे त्यांनी सांगितले. या कार्यक्रमाला डीपीआयआयटी, इलेक्ट्रॉनिक्स आणि माहिती तंत्रज्ञान स्टार्टअप हब (एमएसएच) आणि इन्व्हेस्ट इंडिया यांचेही समर्थन आहे. डीपीआयआयटीचे सहसचिव संजीव म्हणाले की, या कार्यक्रमात २३ राज्ये सहभागी होत आहेत.

लंडन, (१७ मार्च) – ओवरसीज फ्रेंड्स ऑफ बीजेपी यूकेने लंडनमध्ये कार रॅली काढली आहे. भारतातील लोकसभा निवडणुकीदरम्यान पंतप्रधान नरेंद्र मोदी आणि भाजपाला पाठिंबा देण्यासाठी या कार रॅलीचे आयोजन करण्यात आले होते. ही रॅली नॉर्थोल्ट येथील कच्छ लेवा पाटीदार समाज संकुलापासून सुरू होऊन वेम्बली येथील स्वामीनारायण बीएपीएस मंदिरात संपली.

पंतप्रधान मोदींचे १४० कोटी देशवासीयांना पत्र हॅरो खासदार आणि पद्मश्री विजेते बॉब ब्लैकमैन यांनी म्हंटले की भारतीय निवडणुका हा जगातील लोकशाहीचा सर्वात मोठा व्यायाम आहे. भारतात भाजपाची सत्ता आल्यापासून भारत आणि ब्रिटनमधील मैत्री अधिक घट्ट झाली आहे. भाजपा सरकारमुळे भारत एक वाढणारी अर्थव्यवस्था म्हणून उभा आहे. यूके आणि भारत यांच्यात मुक्त व्यापार करार करण्यासाठी आम्ही वाटाघाटी करण्याचा प्रयत्न करत आहोत. संरक्षण आणि सुरक्षेतील सहकार्याबाबत आम्ही भारतासोबत मैत्रीचा करार केला आहे. भारतीय अर्थव्यवस्था जगातील नंबर १ अर्थव्यवस्था होण्याच्या मार्गावर आहे. भारतात होत असलेल्या विकासामुळे आम्ही प्रेरित आहोत. नरेंद्र मोदींची पुन्हा पंतप्रधानपदी निवड व्हावी आणि भाजपाचे सरकार पुन्हा एकदा यावे, अशी आमची इच्छा आहे.
सिक्कीम, ओडिशा, आंध्र, अरुणाचल विधानसभा निवडणुकीचीही घोषणा शिवाय, भारताचे परराष्ट्र मंत्री एस जयशंकर यांनी ट्विटरवरील एका पोस्टमध्ये म्हटले आहे की, निवडणूक आयोगाने सार्वत्रिक निवडणुकांची घोषणा केल्याने जगातील सर्वात मोठ्या आणि भव्य लोकशाही उत्सवाची प्रक्रिया सुरू होते. पंतप्रधान मोदींच्या सक्षम नेतृत्वाखाली एनडीए आघाडी पूर्ण आत्मविश्वासाने आणि उत्साहाने निवडणूक लढवेल. देशातील लोकांची सेवा करण्याची आणि भारताला विकसित राष्ट्र बनवण्याची आपली वचनबद्धता आणखी दृढ करण्याची ही एक संधी आहे.

अबुधाबी, (०४ मार्च) – संयुक्त अरब अमिरातीचे हिंदू मंदिर सर्वसामान्यांसाठी खुले झाले आहे. मुस्लिम देशात पहिल्यांदाच हिंदू भाविकांची गर्दी झाली आहे. बीएपीएसच्या अधिकृत वेबसाइटनुसार, पहिल्याच दिवशी ६५,००० हून अधिक यात्रेकरू बीएपीएस हिंदू मंदिरात पोहोचले.

हे मंदिर रविवारी सर्वसामान्यांसाठी खुले करण्यात आले. संध्याकाळी मंदिर उघडताच येथे २५ हजारांहून अधिक लोकांनी पूजा केली. १४ फेब्रुवारी रोजी पंतप्रधान नरेंद्र मोदी यांनी या मंदिराचे उद्घाटन केले होते.
मिळालेल्या माहितीनुसार, पहिल्या दिवशी पूजा करण्यासाठी सकाळी ४०,००० आणि संध्याकाळी २५,००० लोक बस आणि वाहनांनी मंदिरात पोहोचले. प्रचंड गर्दी असूनही लोक कोणतीही अडचण न करता संयमाने रांगेत उभे असल्याचे चित्रांमध्ये दिसून येते. दिवसाअखेर ६५ हजारांहून अधिक लोकांनी मंदिरात दर्शन घेतले.
बीएपीएस हिंदू मंदिराला भेट देण्यापूर्वी अनेक नियमांचे पालन करणे महत्त्वाचे आहे. मंदिराला भेट देण्यापूर्वी, तुम्हाला विशेष ड्रेस कोड आणि फोटोग्राफीशी संबंधित नियमांचे पालन करावे लागेल. मंदिराच्या अधिकृत वेबसाइटवर सर्व मार्गदर्शक तत्त्वे शेअर करण्यात आली आहेत.
मार्गदर्शक तत्त्वांनुसार, मंदिराच्या आवारात पाळीव प्राण्यांना परवानगी नाही. अभ्यागतांना चाकू, खाद्यपदार्थ, सामान, ड्रोन, सिगारेट, शीतपेये, सायकली किंवा स्केटबोर्ड घेऊन जाण्याची परवानगी नाही.

– तीन हजार अनिवासी भारतीयांना पाठवणार,

वॉशिंग्टन, (०८ फेब्रुवारी) – अमेरिकेतील ‘ओव्हरसीज फ्रेंड्स ऑफ भाजपा’ने भारतभरातील लोकांना २५ लाखांहून अधिक कॉल करून त्यांना मतदान करण्यासाठी आणि पंतप्रधान नरेंद्र मोदी यांना तिसर्यांदा पुन्हा निवडून देण्याचे आवाहन करण्याची एक विस्तृत योजना आखली आहे.
अमेरिकेतील ‘ओव्हरसीज फ्रेंड्स ऑफ बीजेपी’ ने तीन हजारांवर भारतीय अमेरिकन लोकांचे एक मजबूत शिष्टमंडळ पाठविण्याची योजना आखली आहे. हे शिष्टमंडळ देशभर विविध क्षमतांमध्ये पक्ष व त्यांच्या उमेदवारांसाठी प्रचार करतील.
भाजपाने विशिष्ट कॉल करण्यासाठी विविध राज्याच्या भाषांनुसार धोरणे विकसित करण्यात मदत करण्यासाठी संपूर्ण अमेरिकेत दोन डझनहून अधिक संघ तयार केले आहेत.
आम्ही डिसेंबरपासूनच तयारी सुरू केली व या महिन्यात आम्ही वेग घेत आहोत. फेब्रुवारी मध्ये आम्ही संपूर्ण अमेरिकेत प्रचार मोहीम शुभारंभ कार्यक‘म घेणार आहोत. १८ राज्यांमधील सुमारे २०-२२ शहरात हा कार्यक‘म होणार आहे. आम्ही केवळ ‘ओव्हरसीज फ्रेंड्स ऑफ बीजेपी’चे सहानुभूतीदार आणि स्वयंसेवकच नाही तर सर्वसामान्य समुदाय, समाजाचे नेते आणि मोदी ३.० पाहू इच्छिणार्या समाजालाही एकत्र करण्याचा प्रयत्न करीत आहोत. त्यामुळे ते त्यात सहभागी होतील, असे ‘ओव्हरसीज फ्रेंड्स ऑफ बीजेपी’ अमेरिकाचे अध्यक्ष अडापा प्रसाद यांनी अलिकडील मुलाखतीत वृत्तसंस्थेला सांगितले.
मोदी सरकारची गत पाच वर्षांतील आणि १० वर्षांची कामगिरी एकत्रितपणे सादर करणार आहे. सद्यस्थितीत जागतिक समुदायात भारताचे स्थान कसे आहे तसेच अमेरिका-भारत संबंध आणि देशांतर्गत स्थिती अशी एकूण प्रगती कशी झाली, याविषयीच्या पॉवरपॉईंट स्लाईड्स आधीच तयार करण्यात आल्या आहेत व त्याच्या पीडीएफ पत्रकेही वितरित करण्यात येणार आहे, असे ते म्हणाले.
‘ओव्हरसीज फ्रेंड्स ऑफ बीजेपी’ अमेरिकेतील शहरांमध्ये चाय पे चर्चा आयोजित करणार आहे. आम्ही स्थानिक लोकांना एकत्र करू. भाजपा व मोदींच्या सर्वांगीण विकासाच्या कार्यक‘माबद्दल चर्चा करणार आहोत. आम्ही आमच्या सर्व अनिवासी भारतीय बांधवांना, मित्रांना आणि कुटुंबीयांना भाजपाला मत देण्यासाठी आवाहन करू. भाजपा आणि त्यांच्या मित्रपक्षांना ४०० जागा मिळवून देण्याचे लक्ष्य आहे, असे ते म्हणाले.

माले, (०३ फेब्रुवारी) – भारतासोबतचे वैर आता मालदीवला महागात पडले आहे. या देशाच्या उत्पन्नाचा मोठा हिस्सा पर्यटनातून येतो, मात्र भारत आणि मालदीव यांच्यातील राजनैतिक वादानंतर बहुतांश भारतीय पर्यटक श्रीलंकेकडे वळताना दिसत आहेत. ४ वर्षांनंतर श्रीलंकेने आता विदेशी पर्यटकांच्या बाबतीत मालदीवला मागे टाकले आहे. आकडेवारीनुसार, भारतीय पर्यटकांची सर्वाधिक संख्या श्रीलंकेत राहिली, भारतीय पर्यटक आता मालदीवपासून दूर राहू लागले आहेत.

जानेवारी २०२४ मध्ये मालदीवच्या तुलनेत श्रीलंकेत जास्त पर्यटक आल्याचे मालदीवियन आउटलेट अधाधुने नोंदवले. लॉकडाऊननंतर, श्रीलंका मालदीवच्या तुलनेत पर्यटनात मागे पडली आहे. परंतु अलीकडील वादामुळे त्याचा खूप फायदा होत आहे. जानेवारी महिन्यात भारतातून श्रीलंकेत येणार्‍या पर्यटकांच्या संख्येत १०० टक्क्यांनी वाढ झाल्याचे आकडेवारीवरून दिसून येते. अहवालानुसार, जानेवारी महिन्यात १९२,३८५ पर्यटकांनी मालदीवला भेट दिली, तर याच कालावधीत २०८,२५३ पर्यटकांनी श्रीलंकेला भेट दिली. जानेवारी २०२३ च्या तुलनेत ही संख्या १ लाखांहून अधिक आहे.
मालदीवच्या काही मंत्र्यांनी पंतप्रधान नरेंद्र मोदी आणि भारताविरोधात केलेल्या टिप्पण्यांनंतर जानेवारीमध्ये माले आणि नवी दिल्ली यांच्यात वाद सुरू झाला होता. भारतीय पर्यटकांनी यावर तीव्र प्रतिक्रिया व्यक्त करत ’मालदीववर बहिष्कार घाला’ मोहीम सुरू केली. श्रीलंकेत भारतीय पर्यटकांची संख्या१३,७५९ वरून ३४,३९९ झाली आहे. जर आपण वर्ष २०२३ बद्दल बोललो, तर जानेवारी महिन्यात १७,०२९ भारतीय पर्यटक मालदीवमध्ये पोहोचले होते, तर या वर्षी जानेवारी २०२४ मध्ये केवळ १५,००६ पर्यटक मालदीवमध्ये पोहोचले होते.
जानेवारी २०२४ मध्ये भारतातून ३४,३९९, रशियातून ३१,१५९, ब्रिटनमधून १६,६६५, जर्मनीतून १३,५९३ आणि चीनमधून ११,५११ पर्यटक श्रीलंकेत पोहोचले आहेत. मालदीवच्या पर्यटन बाजारपेठेबद्दल बोलायचे झाले, तर चीन पुन्हा एकदा पहिल्या क्रमांकावर पोहोचला आहे. गेल्या वर्षी भारत या यादीत पहिल्या क्रमांकावर होता, आता तो पाचव्या स्थानावर घसरला आहे. मालदीवच्या पर्यटन मंत्रालयाने प्रसिद्ध केलेल्या आकडेवारीनुसार १ जानेवारी ते ४ फेब्रुवारी या कालावधीत चीनमधून २३,९०० पर्यटक मालदीवमध्ये आले. येणार्‍या पर्यटकांच्या एकूण संख्येच्या हे प्रमाण ११ टक्के आहे. रशिया या यादीत दुसर्‍या क्रमांकावर आहे, जिथून सुमारे २२,००० पर्यटक आले.
इटलीहून आलेल्यांची संख्या अंदाजे २१,००० होती. ब्रिटनमधून सुमारे १८,००० पर्यटक मालदीवमध्ये पोहोचले आहेत, तर भारत या यादीत पाचव्या स्थानावर आहे जिथून रविवारपर्यंत सुमारे १६,००० लोक मालदीवमध्ये पोहोचले आहेत. नुकतेच भारताचे परराष्ट्र मंत्री एस जयशंकर यांनीही भारतीय पर्यटकांना श्रीलंकेला भेट देण्याचे आवाहन केले होते. भारतीयांनी बहिष्कार टाकल्यानंतर मालदीवचे राष्ट्राध्यक्ष मोहम्मद मुइझू यांनी त्यांच्या चीन दौर्‍यात चीन सरकारला मालदीवमध्ये अधिक चिनी पर्यटक पाठवण्याची विनंती केली होती.

अबुधाबी, (०१ फेब्रुवारी) – संयुक्त अमिरातीची राजधानी अबुधाबीमध्ये पहिले पारंपरिक हिंदू मंदिर पूर्ण झाले आहे, बीएपीएस संस्था मंदिर हे युएईमधील सर्वात मोठे मंदिर असेल. हे मंदिर अतिशय सुंदर आहे आणि दगडांनी बनवलेल्या या मंदिरावर कोरीवकाम देखील करण्यात आले आहे. मंदिराचे उद्घाटन १४ फेब्रुवारी रोजी होत आहे, ज्याला बीएपीएस स्वामीनारायण संस्थेचे विद्यमान आध्यात्मिक गुरू परमपूज्य महंत स्वामी महाराज आणि पंतप्रधानमंत्री नरेंद्र मोदी असतील. १८ फेब्रुवारीपासून हे मंदिर सर्वसामान्यांसाठी खुले होणार आहे. नुकतेच या मंदिराचे फोटो समोर आले आहेत जे खूपच सुंदर आहेत.

युएईमध्ये बांधलेल्या हिंदू मंदिराचे नाव बीएपीएस हिंदू मंदिर आहे, जे बीएपीएस संस्थेच्या नेतृत्वाखाली बांधले गेले आहे. हे मंदिर २७ एकर जागेवर बांधले गेले आहे, जे युएईचे अध्यक्ष शेख मोहम्मद बिन झायेद अल नाहयान यांनी दान केले आहे. युएईमध्ये बांधण्यात येत असलेल्या मंदिराचे काम पूर्ण झाले आहे, या मंदिराची रचना २०१८ मध्ये करण्यात आली होती आणि त्याची पायाभरणी २०१९ मध्ये करण्यात आली होती. हे मंदिर भारतातील कारागिरांनी बांधले आहे. त्याची उंची १०८ फूट आहे, ज्यामध्ये ४० हजार घनमीटर संगमरवरी आणि १८० हजार घनमीटर वाळूचा दगड आहे. भारताचे परराष्ट्र मंत्री एस जयशंकर, अक्षय कुमार यांच्यासह ५०,००० हून अधिक लोकांनी मंदिराच्या बांधकामासाठी विटा घातल्या आहेत. हे मंदिर बांधण्यासाठी वैदिक वास्तुकलेचा वापर करण्यात आला आहे. मंदिरात प्रवेश केल्यावर, पहिली गोष्ट जी लक्ष वेधून घेते ती म्हणजे सात अमिरातीच्या वाळूपासून बनवलेली प्रभावी माऊंड रचना. १९९७ मध्ये शारजाहच्या वाळवंटाच्या मध्यभागी राहत असताना अबू धाबीमध्ये मंदिर बांधण्याची इच्छा असलेल्या संस्थेचे दिवंगत आध्यात्मिक नेते परमपूज्य प्रमुख स्वामी महाराज यांच्या दृष्टीला श्रद्धांजली म्हणून याची स्थापना करण्यात आली आहे.
मंदिरात येण्यासोबतच गंगा, यमुना आणि सरस्वती या पवित्र भारतीय नद्यांचे उगमस्थान दर्शवणारा एक अतिशय आकर्षक धबधबाही बांधण्यात आला आहे. मंदिराच्या बाहेरील बाजूस ९६ घंटा बसवण्यात आल्या आहेत. लोकांना अनवाणी पायांनी चालताना कोणतीही अडचण येऊ नये म्हणून मंदिराच्या फरशीचे बांधकाम आधुनिक तंत्रज्ञानाने करण्यात आले आहे. मुख्य आकर्षण हे मंदिरच आहे, जे अरबी चिन्हांसह भारताची समृद्ध संस्कृती आणि इतिहास दर्शवते. मंदिराच्या आतील दगडी कोरीव कामांमध्ये भारतीय महाकाव्य रामायण आणि महाभारत आणि हिंदू धर्मग्रंथ आणि पौराणिक कथांमधील इतर कथांमधील महत्त्वपूर्ण क्षणांचे वर्णन केले आहे. मंदिर, प्राचीन हिंदू ’शिल्प शास्त्र’ (स्थापत्यशास्त्राचा संस्कृत मजकूर) नुसार बांधले गेले आहे, ज्यामध्ये अरब निवडक मूल्य आहे. इजिप्शियन, मेसोपोटेमियन, अझ्टेक आणि भारतीय सभ्यतांच्या कथा दाखवल्या आहेत.

ज्योतिशास्त्रानुसार, २०२३ मध्ये गुरु २२ एप्रिल रोजी मंगळ राशीत मेष राशीत प्रवेश करणार आहे. वैदिक ज्योतिषशास्त्रात काही ग्रह खूप लवकर राशी बदलतात, तर काही ग्रह दीर्घ अंतरानंतर संक्रमण करतात. गुरु सुमारे १ वर्षानंतर राशी बदलतो. त्यामुळे एप्रिल महिन्यात गुरू मीन राशीतून बाहेर पडून मेष राशीत प्रवेश करणार आहे. ज्याचा प्रभाव सर्व राशीच्या लोकांवर दिसेल. पण ३ राशी आहेत, ज्यांना या काळात आर्थिक लाभ आणि प्रगती होण्याची शक्यता आहे.
तूळ
गुरूचे संक्रमण तुमच्यासाठी शुभ ठरू शकते. कारण गुरु ग्रह तुमच्या राशीतून सातव्या घरात प्रवेश करेल. जे वैवाहिक जीवन आणि भागीदारीचे ठिकाण मानले जाते. म्हणूनच यावेळी तुमचे तुमच्या जोडीदाराशी चांगले संबंध राहतील. जोडीदाराच्या सल्ल्याने केलेली गुंतवणूक फायदेशीर ठरेल. त्याच वेळी, आपण भागीदारी कार्य देखील सुरू करू शकता.
मकर
मकर राशीच्या लोकांसाठी गुरु ग्रहाचा राशी बदल शुभ आणि फलदायी ठरू शकतो. कारण तुमच्या राशीच्या चौथ्या भावात गुरु ग्रहाचे भ्रमण होईल. जे भौतिक सुख आणि मातेचे स्थान मानले जाते. म्हणूनच यावेळी तुम्हाला सर्व भौतिक सुखे मिळू शकतात. त्याच वेळी, या काळात तुमची आर्थिक स्थिती खूप चांगली असणार आहे. तसेच या काळात तुम्ही कोणतीही जमीन-मालमत्ता आणि वाहन खरेदी करू शकता.
मिथुन
गुरूचे संक्रमण तुमच्यासाठी अनुकूल ठरू शकते. कारण गुरु तुमच्या राशीतून ११व्या भावात प्रवेश करेल. ज्याला उत्पन्न आणि लाभाचे स्थान मानले जाते. म्हणूनच यावेळी तुमच्या उत्पन्नात प्रचंड वाढ होऊ शकते. यासोबतच उत्पन्नाचे नवीन स्रोत निर्माण होऊ शकतात. त्याच वेळी, या काळात तुम्हाला मानसिक आणि शारीरिकदृष्ट्या निरोगी वाटेल.