साहित्य –

१. एक लिटर गाईचे दुध (कमी स्निग्धांश असलेले)
२. दोन ते अडीच वाट्या साखर
३. सहा वाट्या पाणी
४. दोन टेबलस्पून व्हाईट व्हीनीगार
५. दोन, तीन थेंब रोझ इसेन्स
कृती –
दुध गरम करायला ठेवा. मधून मधून हलवत रहावे साई येणार नाही याची दक्षता घ्यावी. दुधाला उकळी येऊ द्यावी. उकळी आली की व्हीनीगार टाकून गास बारीक करावा व चमच्याने ढवळावे म्हणजे दुध फाटेल . नंतर एक चाळणी घ्यावी चाळणीत मलमलचे फडके टाकून त्यात दुध ओतून अर्धा तास तसेच ठेवावे म्हणजे पाणी निथळून जाईल. पाणी पूर्ण निथळल्यावर फडक्यातून तयार पनीर बाहेर काढावे. पनीर कुस्करून त्यातील पाणीमात्र काढू नये
नंतर पनीर परातीत घेऊन तळहाताने खूप मळावे. अगदी एकजीव करून घ्यावे. मोठ्या पातेल्यात २ वाट्या साखर ६ वाट्या पाणी घालून गासवर ठेवावे उकळी येईपर्यंत चमच्याने ढवळावे. आता मळलेल्या पनीरचे जेमतेम सारख्याच आकाराचे गोळे करून घ्यावेत. उकळलेल्या साखरेच्या पाण्यात पनीरचे गोळे एक एक करून सोडावेत किमान पाच मिनिटे गोळे पाकात उकळू द्यावेत. ग‍ॅस मोठा ठेवावा. नंतर पातेल्यावर झाकण ठेवून मोठ्या ग‍ॅससवर पाच मिनिटे गोळे परत उकळावेत झाकण काढून मोठ्या ग‍ॅससवर परत १ – २ मिनिटे उकळावेत. परत उकळताना त्यात पाव वाटी पाणी आधी घालावे. झाकण न ठेवता रसगुल्ले पूर्ण थंड होऊ द्यावेत. मग रोझ इसेन्स घालून गार करावेत. रसगुल्ले तयार.

साहित्य

१. तयार केलेले १५ रसगुल्ले
२. १.२५ लिटर उत्तम दुध
३. ४ टेबलस्पून साखर
४. ७,९ पिस्त्यांचे काप
कृती
रसगुल्ले तयार झाल्यावर कोमट असताना दोन हातांच्या तळव्यात दाबून चपटे करून घ्यावे. दुध मोठ्या गॅसवर पसरट भांड्यात आटवायला ठेवावे. सतत हलवावे .निम्मे झाले की ३ टेबलस्पून साखर घालावी. साखर विरघळली. की गॅस बंद करावा. वरील दुध चांगले थंड झाले की त्यात चपटे रसगुल्ले टाकावेत व थंड करून पिस्ते घालून वाढावे

साहित्य :- मध्यम आकाराचे दोन बटाटे, २/३ ब्रेडचे तुकडे, ३/४ हिरव्या मिरच्या, मुठभर कोथांबीर, १ चमचा जिरे पावडर, १ कांदा २/३ पुदिना पाने, १ चमचा अनारदाना, १ कप ब्रेडक्रम्स, चवीप्रमाणे मीठ व १/२ चमचा लाल तिखट, तळायला तेल.

कृती : – सर्वप्रथम बटाटे उकडून घेणे नंतर ते सोलून कुस्करून घ्यावेत. नंतर ब्रेडचे तुकडे बारीक करून कुस्करलेल्या बटाट्यांमध्ये मिसळून घ्यावेत. कांदा, कोथिंबीर, मिरच्या, पुदीना, अनारदाना, जिरे हे सगळे मिक्सरमधून ग्राइंड करून घ्यावेत. ग्राइंड केलेले हे सर्व मिश्रण कुस्करलेल्या बटाट्यामध्ये मिसळून एकजीव करून घ्यावे. त्यातच मीठ, तिखट घालावे व छोट्या चपट्या गोल टिक्क्या बनवाव्या.
ब्रेडक्रम्समध्ये घोळून तळाव्या बदामीसर रंगावर तळून घ्याव्या आपण एखादा रंग मिसळू शकता जेणेकरून चविष्ट आणि रूचकर टिक्की सोबत एक वेगळ्या रंगाची लज्जत त्याला येईल. सॉसबरोबर गरमागरम आलू टिक्की सर्व्ह करा.

साहित्य: एक जुडी मेथी, एक मध्यम दुधी भोपळा, तीन कांदे, दोन टोमाटो,दहा -बारा लसून पाकळ्या, एक इंच आले, एक चमचा गरम मसाला, एक चमचा लाल तिखट, अर्धी वाटी क्रीम, अर्धी वाटी दही, मीठ,तेल, हळद.

कृती: प्रथम मेथीची पाने खुडून घ्यावीत. धुवून चिरावीत. दुधी भोपळ्याची साले काढून घ्यावीत. त्याच्या आवडीप्रमाणे फोडी कराव्यात. फोडी कुकरमध्ये चाळणीत ठेवून वाफवून घ्याव्यात. कांदे उभे चीहून घ्यावेत. टोमाटो बारीक चिरावेत. लसून सोलावी. आले साले काढून घ्यावे. पातेल्यात दोन चमचे तेल तापवावे. तेलात कांदा टाकावा.तो परतल्यावर त्यात लसून, आले चिरून टाकावे. टोमाटो घालावा. तेल सुटेपर्यंत परतावे. डिशमध्ये गार करायला ठेवावे. परत पातेल्यात चार चमचे तेल तापत ठेवावे. चिरलेली मेथी तेलावर परतावी. मेथी चागली परतल्यावर हळद ,तिखट घालावे. परतलेले कांदे,लसून,आले, टोमाटो बारीक वाटून घ्यावे. परतलेल्या मेथीमध्ये वाटप घालावे. क्रीम,दही,गरम मसाला घालावा. चवीनुसार मीठ घालावे. मिश्रण परतावे. वाफवलेला दुधी भोपळा मिसळावा. तेल सुटेपर्यंत भाजी परतावी. पोळीबरोबर गरमागरम वाढावी.
टीप: दुधी भोपळा न खाणारी मुलेही आवडीने खातात.

साहित्य – २ कप मैदा, १ चमचा दही, चवीनुसार मीठ, १ टेबलस्पून तूप, चिमुटभर सोडा

सारण – पाऊण कप वाफवलेले मटार, ४ बटाटे उकडून कुस्करून, चवीनुसार मीठ (शक्यतो १ चमचा), २ टोमॅटो, १ मोठा कांदा + कोथंबीर एक मुठ + १ चमचा गरम मसाला + ४-५ मिरच्यांचे वाटण, १ टेबलस्पून तेल.
कृती – प्रथम एका कढई मध्ये तेल गरम करून घेणे त्यातच टोमॅटो चिरून घालावा. तेल सुटेपर्यंत परतावे. तेल सुटल्यावर त्यातच वाटण घालून परतावे. खरपूस भाजल्याचा खमंग वास सुटल्यावर गॅस बंद करावा व त्यात मटार, कुस्करलेले बटाटे, मीठ घालावे व सगळे नीट कालवावे.
मैदा, मीठ आणि सोडा एकत्र चोळावे. त्यात तूप घालून चांगले चोळावे, त्यातच मग दही घालावे व गरजेनुसार पाणी घालून मऊ पीठ भिजवावे. पाऊण तास हे मिश्रण झाकून ठेवावे. नंतर पुन्हा एकदा मळून त्याचे पुरीसारखे करतो एवढे गोळे करून लाटून घ्यावे. प्रत्येक पुरीचे दोन भाग करावे. अर्ध्या भागाचा कोन करून त्यात सारण भरून तोंड बंद करावे. (समोसा बनवण्याचा छाप असल्यास काम आणखी सोपे.) नंतर तेलात बदामी रंगावर हे सामोसे तळावे. सॉस किंवा पुदीना चटणीसोबत सर्व करावे.

साहित्य:एक वाटी साखर,एक वाटी दही, एक वाटी रवा, एक चमचा लोणी, अर्धा चमचा इनो,(आंबा,स्त्रोबेरी)क्रश अगर सिरप २/३ चमचे, मीठ. (मी आंब्याचा क्रश वापरला होता.)

कृती: साखर ,दही आणि लोणी एका भांड्यात घेऊन फेसावे. त्यात रवा मिसळावा. एकजीव करून ३ तास झाकून ठेवावे. तीन तासांनी मिश्रणात , इनो आणि क्रश, मीठ मिसळावे. नोन स्टिक खोलगट तव्याला तूप लावावे. त्यात मिश्रण ओतावे. १५ मिनिटे मंद आचेवर ठेवावे. त्यानंतर सुरी घालून मिश्रण चिकटत नाही ना ते पाहावे.चिकटले नाही कि केक तयार झाला असे समजावे.
टीप: यामध्ये दुध वापरलेले नाही. त्यामुळे केक जास्त छान होतो. क्रश नको असेल तर वेलची पावडर वापरावी.

साहित्य : सफरचंद १ किलो, खवा ३५० ग्रॅम, साखर १ ते सव्वा वाटी, वेलची पावडर ,बदाम काप,बेदाणे, काजू तुकडे (आवडीनुसार),तूप ३ चमचे.

कृती: प्रथम दोन दोन सफरचंदांची साले काढून घ्यावीत. kadhai मध्ये तूप तापत ठेवावे. gas बारीक ठेवावा.साले काढलेल्या सफरचंदांच्या फोडी करून बिया काढून घ्याव्यात. सफरचंदांच्या फोडी किसून घ्याव्यात .कीस लगेच तुपात घालून परतावा. याप्रमाणे सगळी सफरचंदे साले काढून किसून तुपावर परतावीत. एकदम सगळी सफरचंद किसाल्यास कीस काळा पडतो म्हणून थोडी थोडी किसून तुपावर टाकावीत. १० मिनिटे परतल्यावर त्यात साखर घालावी. साखरेचे प्रमाण आपल्या चवीनुसार कमी जास्त करावे साखर जरा विरघळली कि खवा घालावा. वेलची पावडर घालावी. आवडीनुसार बेदाणे,बदाम काप, काजू तुकडे घालावे.चांगले परतावे. बदामाच्या कापानी सजवावे. थंड किवा गरम आवडीनुसार सर्व्ह करावे. उपासाला चालतो . करून पहा.खरच testy लागतो.